На Гомельшчыне адбылося шэсць ДТЗ з удзелам расійскай вайсковай тэхнікі
За апошнія двое сутак у Гомельскай вобласці зафіксавана як мінімум шэсць ДТЗ з удзелам расійскай вайсковай тэхнікі, паведамдяе «Флагшток».
Так, сёння ноччу ў Мазыры аўтамабіль расійскіх вайскоўцаў апынуўся на адхоне вуліцы Рыжкова.
А на трасе Гомель — Мазыр каля Баршчоўкі сёння сутыкнуліся мікрааўтобус і расійскі вайсковы фургон УАЗ.
1 красавіка на трасе каля Рэчыцы былі зафіксаваныя разбіты легкавік і грузавік. Канал motolkohelp паведамляе, што кіроўца грузавіка загінуў.
Гомельскае абласное ўпраўленне МНС апублікавала інфармацыю аб ратавальнай аперацыі на месцы ДТЗ, якое адбылося ў Рэчыцкім раёне на трасе М-10 паблізу вёскі Іванаўка. Сутыкнуліся «Фальксваген Б4», 1994 г. в. і грузавік «Мерседэс».
Аднак, наяўны відэазапіс з месца ДТЗ, зроблены 1 красавіка ў 07:03, паказвае, што кабіна грузавіка была цалкам разбітая, а перад грузавіком стаіць расійская ваенная тэхніка: 2 БТРы і КамАЗ са знакамі «V».
ДТЗ на той жа рэчыцкай трасе (М10) 1 красавіка. Сутыкненне бронетэхнікі расійскіх ваенных з грузавіком, які перавозіў прадукты.
Мяркуецца, што кіроўца грузавіка не заўважыў калону расійскай бронетэхнікі, якая перасоўвалася ноччу.
Таксама 1 красавіка вайсковая калона знесла астровак бяспекі на перакрыжаванні вуліц Ільіча і Жамчужнай.
Усяго вядома пра як мінімум шэсць здарэнняў з удзелам расійскай вайсковай тэхнікі, што цяпер адступае з-пад Кіева.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам2
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў55
Каментары