Прэс-сакратар прэзідэнта Расіі Дзмітрый Пяскоў заявіў, што ў Крамлі не бачаць магчымасці абмену ўкраінскага палітыка Віктара Медзведчука на палонных украінскіх вайскоўцаў.
Пра затрыманне Медзведчука на тэрыторыі Украіны ўчора паведаміў прэзідэнт краіны Уладзімір Зяленскі.
Генеральная пракуратура Украіны абвінавачвае Медведчука ў дзяржаўнай здрадзе і садзейнічанні дзейнасці тэрарыстычных арганізацый. Пасля пачатку вайны ён знік з-пад хатняга арышту.
Зяленскі прапанаваў абмяняць кума Пуціна на палонных украінскіх салдат.
«Што тычыцца абмену, пра які з такім запалам і задавальненнем загаварылі розныя дзеячы ў Кіеве, то Медзвядчук не з'яўляецца грамадзянінам Расіі, ён не мае ніякага дачынення да спецыяльнай ваеннай аперацыі. Ён з'яўляецца замежным палітычным дзеячам», — сказаў журналістам прэс-сакратар прэзідэнта РФ Дзмітрый Пяскоў.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку2424
Каментары