Расіяне ноччу 28 красавіка наносілі ўдары па ваенным палявым шпіталі на тэрыторыі завода «Азоўсталь» у Марыупалі — ёсць загінулыя і параненыя.
«Усю ноч на ваенны палявы шпіталь, які знаходзіцца на тэрыторыі завода «Азоўсталь» у Марыупалі, дзе знаходзяцца параненыя абаронцы, рускія масава скідвалі шматтонныя авіябомбы, здольныя прабіць любыя бетонныя ахоўныя збудаванні. Затым, ужо разбурыўшы памяшканне, працягвалі бязлітасна абстрэльваць руіны з карабельнай артылерыі. Сярод параненых вайскоўцаў ёсць загінулыя, зноўку параненыя і кантужаныя», — гаворыцца ў паведамленні «Азова».
Частка памяшкання абвалілася — у прыватнасці там, дзе была аперацыйная.
У «Азове» нагадалі, што Жэнеўская канвенцыя гарантуе абарону стацыянарных і перасоўных медыцынскіх устаноў — на іх не павінна быць нападаў. Таксама абаронай павінны карыстацца параненыя і хворыя, незалежна ад таго, цывільныя яны або ваенныя.
Цяпер чытаюць
Яму выбілі чатыры зубы, а пасля выкінулі з краіны. Цяпер былога палітвязня арыштавалі ў Латвіі з шасцю мігрантамі ў машыне13
Каментары