Смалявіцкі калектыў «Hanz’n’Grüber» з трэкам «Infinity» увайшоў у дзесятку лепшых танцавальных трэкаў лета ў хіт-парадзе на ўкраінскім радыё.
Смалявіцкі калектыў «Hanz’n’Grüber» з трэкам «Infinity» увайшоў у дзесятку лепшых танцавальных трэкаў лета ў хіт-парадзе на ўкраінскім радыё KISS FM.
«Hanz’n’Gruüber – гэта маладыя людзі Аляксей і Дзмітрый. Яны ствараюць электронную музыку. Музыку да трэка «Infinity» яны запісалі ў Беларусі, а ў Расіі CANDY KATE запісала вакал. Як кампазіцыя была зведзена, падпісалі кантракт з украінскім лэйблам «Royaltracks». Лэйбл займаецца рэкламай трэка і яго продажам. Пра галасаванне на ўкраінскім радыё беларусы даведаліся толькі тады, як іх кампазіцыя заняла чацвёртае месца ў хіт-парадзе. Ці будзе вызначацца з дзесяці трэкаў адзін найлепшы, музыкі не ведаюць. Але галасаванне яшчэ працягваецца.
Праект «Hanz’n’Grüber» існуе каля двух гадоў. Яго ўдзельнікі жывуць у Смалявічах. Яны пэўны час супрацоўнічаюць з «Royaltracks». Як вынік супрацоўніцтва – беларускую каманду ўжо ведаюць ва Ўкраіне і Расіі. Дома, на жаль, менш. «У Беларусі перспектывы з электроннай музыкай горшыя, чым у нашых усходніх суседак», – кажуць маладыя людзі.
Зараз калектыў рыхтуецца да пачатку новага танцавальнага сезону. А ў перспектыве плануюць запісаць альбом.
«Мы ў стане выпусціць альбом зараз. Але спачатку трэба займець добрае імя, каб дыск пасля не пыліўся ў крамах», – упэўненыя маладыя музыкі.
Відэа Hanz’n’Grüber можна паглядзець праз Ю-т'юб:
Каментары