Фінскі акцёр з «Асаблівасцяў нацыянальнага палявання» закрыў «з-за сусветнай палітычнай сітуацыі» рэстаран савецкай кухні
Фінскі акцёр Віле Хаапасала, вядомы па расійскаму фільму «Асаблівасці нацыянальнага палявання» закрыў рэстаран Davai Davai ў Хельсінкі, дзе падавалі нацыянальныя стравы былых краін СССР, піша Бі-бі-сі. Прычынай закрыцця, па словах акцёра, стала «сусветная палітычная сітуацыя».
«У цяперашні час ідэя рэстарана — бестактоўная», — заявіў акцёр. Па яго словах, з-за вайны ва Украіне нацыянальныя стравы савецкіх рэспублік сталі незапатрабаваныя.
Установа Хаапасала была аформленая ў стылі СССР — напрыклад, на сценах віселі савецкія плакаты, — і пазіцыянавалася як рэстаран савецкай кухні. Ён адкрыўся ў кастрычніку мінулага года.
10 сакавіка ў Фэйсбуку ўстановы з'явіўся пост у падтрымку Украіны. Разам з ім рэстаран абвясціў аб арганізацыі вячэры «Слава Украіне», выручка за якую, як паведамлялася, адправіцца ў арганізацыю, якая дапамагае украінскім дзецям. У меню прапаноўваліся боршч, хачапуры, бефстроганаў і дэсерт «Паўлава».
«Напад Расіі на Украіну — незаконнае і жудаснае злачынства, якім заўсёды з'яўляецца вайна. Смутак, трывога і пакуты, якія людзі адчуваюць у разгар вайны, спусташальныя. І самае жудаснае пачуццё — што дзеці павінны пакутаваць і падвяргацца гвалту», — цытавала ўстанова акцёра.
Вядомасць Хаапасала атрымаў пасля ролі Райва ў расійскім камедыйным фільме «Асаблівасці нацыянальнага палявання» 1995 года. Там ён сыграў маладога чалавека з Фінляндыі, які заглыбляецца ў рускую культуру і звычаі, якія, па яго ўяўленні, былі звязаныя з рускім паляваннем. Пасля Віле Хаапасала зняўся яшчэ і ў працягу фільма — «Асаблівасці нацыянальнай рыбалкі», хоць і ў эпізадычнай ролі.
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары