Гэта адбылося ў вёсцы Стэп. Следчы камітэт распачаў крымінальную справу.
Першы выпадак здарыўся ў студзені. Два хлопчыкі (13 і 9 гадоў) са шматдзетнай сям'і набіралі ваду з вулічнага калодзежа. Да братоў падышоў пенсіянер-сусед. Мужчына моўчкі схапіў малодшага і нахіліў яго над калодзежам. У той дзень хлопцы не распавялі пра здарэнне бацькам, і гісторыя не атрымала агалоскі, паведамляе Следчы камітэт.
У канцы красавіка гэтыя ж дзеці каталіся на роварах па вуліцы. Калі стаміліся, спыніліся адпачыць насупраць дома дзіўнага суседа. Нецвярозы пенсіянер выскачыў на вуліцу з нецэнзурнай лаянкай, штурхнуў нагой ровар малодшага хлопчыка, а затым ударыў яго па назе. Другога хлопца ўдарыў па назе і твары.
«Напад на дзяцей заўважылі і спынілі мясцовыя жыхары. Маці пацярпелых выклікала міліцыю», — распавяла афіцыйная прадстаўніца.
Паводле заключэння псіхолага-псіхіятрычнай экспертызы, мужчына прызнаны адэкватным. Аднак жыхары пасёлка характарызуюць пенсіянера як агрэсіўнага чалавека, які злоўжывае спіртным.
Мужчыну выстаўленае абвінавачванне паводле ч.ч. 1,2 арт. 339 (хуліганства) КК. Ён змешчаны пад варту.
Цяпер чытаюць
Анжаліцы Мельнікавай выдалі пашпарт прыкрыцця на імя Ангеліны Радзівонавай?5
Каментары