Знакаміты беларускі футбаліст Аляксандр Глеб хутка стане дзядулем
Настасся Клімовіч, падчарка Аляксандра Глеба і жонка футбаліста Уладзіслава Клімовіча, расказала ў сацсетках, што чакае дзіця.
![](http://nashaniva.com/img/w732d4webp1/photos/z_2022_06/-p724g.jpg.webp)
«Цяжарнасць была запланаваная. Так складвалася, што ўсе нашы сябры паведамлялі пра радаснае папаўненне, і мы вырашылі таксама паспрабаваць.
Я сачыла за новымі сімптомамі — але іх не было. Потым чакала дзень Х. Першы дзень затрымкі, другі… На трэці дзень я з заміраннем сэрца паехала купляць доўгачаканы тэст. І… я ўбачыла гэтыя важныя дзве палоскі!!! Як жа я была рада! Адразу пабегла паведамляць Уладзю, які ляжаў у пакоі і чакаў выніку. Як шкада, што ў той момант я нават не падумала зняць яго рэакцыю. Ён задаволена ўсміхаўся. Мы былі шчаслівыя».
![](http://nashaniva.com/img/w732d4webp1/photos/z_2022_06/-cplql.jpg.webp)
![](http://nashaniva.com/img/w732d4webp1/photos/z_2022_06/2-i0yhr.jpg.webp)
![](http://nashaniva.com/img/w732d4webp1/photos/z_2022_06/3-blg98.jpg.webp)
Хацелася адразу падзяліцца гэтай навіной з роднымі! Але не па тэлефоне ж. На наступны дзень мы адправіліся да мам і тат. На гэты раз я ўжо падрыхтавалася, узяла тэлефон і захавала гэтую падзею».
Муж Насты таксама футбаліст — Уладзіслаў Клімовіч, з 2022 года гуляе за венгерскі клуб «Д'ірмот».
![](http://nashaniva.com/img/w732d4webp1/photos/z_2022_06/5-nffi9.jpg.webp)
Настасся (да замужжа Губарэвіч) магла запомніцца па конкурсе «Міс Беларусь — 2018». Як піша «Камсамолка», у кулуарах тады меркавалі, што ў дзяўчыны вялікія шанцы на перамогу. Анастасія выйшла ў фінал, але не атрымала ніводнага тытула. А перамагла ў конкурсе ў тым годзе Марыя Васілевіч.
У тым жа 2018 годзе Настасся пачала публікаваць шмат сумесных фатаграфій з Уладзіславам Клімовічам. У 2021 годзе пара ўзяла шлюб.
![](http://nashaniva.com/img/w732d4webp1/photos/z_2022_06/8-xy845.jpg.webp)
![](http://nashaniva.com/img/w732d4webp1/photos/z_2022_06/_nastik_-snw9d.jpg.webp)
Каментары