Чакаючы прыбыцця прэзідэнта ЗША Джо Байдэна і іншых сусветных лідараў на саміт НАТА ў Мадрыдзе, афіцыйныя асобы і журналісты не на жарт здзівіліся, выявіўшы ў меню рэстарана кангрэс-цэнтра «Рускі салат» (г.зн. аліўе), піша Бі-бі-сі.
Салат з гарошку, бульбы, морквы і маянэзу падаюць у многіх іспанскіх рэстаранах, але на саміце, на якім Расія, як чакаецца, будзе названая пагрозай бяспекі ў новай стратэгічнай канцэпцыі альянсу, «Рускі салат» выклікаў здзіўленне.
Зрэшты, у меню саміта, акрамя салата, ёсць і куды больш сур'ёзныя рэчы: як заявіў генеральны сакратар NATO Енс Столтэнбэрг, у Мадрыдзе будуць прынятыя ключавыя пастановы для будучыні НАТА.
«Мы адобрым новую стратэгічную канцэпцыю, умацуем нашу абараназдольнасць і прымем рашэнне аб комплексным пакеце дапамогі Украіне», — запэўніў ён.
Як паведамляе карэспандэнт Бі-бі-сі па пытаннях абароны Фрэнк Гарднер, пасля чатырох месяцаў дрэнных навін з Украіны лідарам НАТА ёсць што адсвяткаваць: Турцыя зняла свае пярэчанні супраць прыёму ў альянс Швецыі і Фінляндыі.
Для НАТА, які спрабуе забяспечыць Украіну зброяй, неабходным для стрымлівання паступова наступу расійскіх войскаў, гэта велізарная падзея.
Швецыя і Фінляндыя нясуць з сабой сучасныя арміі, самыя перадавыя тэхналогіі і працяглае ўзбярэжжа Балтыйскага мора.
Тым не менш, як чакаецца, сёння прэм'ер-міністр Вялікабрытаніі Борыс Джонсан выступіць на саміце з папярэджаннем аб тым, што, паводле яго слоў, «капаць трэба глыбей», каб падрыхтавацца да больш небяспечнага дзесяцігоддзя, якое, як ён лічыць, чакае нас наперадзе.
Ён абвесціць аб шэрагу крокаў Вялікабрытаніі ў рамках НАТА, у тым ліку аб пашырэнні брытанскай базы ў Эстоніі.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў23
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары