Пасля таго, як Мінск выказаў жаданне аднавіць пасажырскае чыгуначнае злучэнне з Вільняй, якое было спынена два гады таму, у кампаніі Літоўскія чыгункі (Lietuvos gelezinkeliai) кажуць, што ні ў гэтым, ні ў наступным годзе такіх планаў у іх няма.
«З 2020 года, калі пачалася пандэмія COVID-19, пасажырскія цягнікі паміж Вільняй і Мінскам спыненыя. З улікам усіх абставінаў у планы на 2023 год не ўваходзіць злучэнне паміж сталіцамі Літвы і Беларусі», — сказала прадстаўнік дачыннай кампаніі LTG — LTG Link па пасажырскіх перавозках Катрына Дзікарайце.
Паводле яе слоў, у Lietuvos gelezinkeliai паступіў зварот Беларускай чыгункі адносна магчымасці аднаўлення маршруту Вільня — Мінск, але ў бліжэйшых планах LTG Link гэта не прадугледжана. Гадавыя графікі міжнародных зносін на прасторы расійскай каляіны 1520 мм узгадняюцца адзін раз у год — да сярэдзіны года і ўступаюць у сілу ў снежні, паведамляе LTG Link.
Раней у Міністэрстве транспарту і камунікацый Беларусі заявілі пра жаданне аднавіць злучэнне з Літвой, а таксама з Латвіяй і Польшчай, якое было спынена ў сакавіку 2020 года праз пандэмію.
«Цяпер з Мінска ў Вільню, Рыгу і Варшаву курсуюць штодзённыя аўтобусы, колькасць пасажыраў пастаянна павялічваецца» — дадалі ў Міністэрстве. Да пандэміі на Літву, Латвію і Польшчу прыходзілася каля пятай часткі ўсіх беларускіх міжнародных пасажырскіх чыгуначных перавозак.
Цяпер чытаюць
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам10
Масквічка распавяла, як разам з жаніхом ледзь не загінула ў аварыі па дарозе на сваё вяселле ў сядзібе пад Лагойскам
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў77
Каментары