Адзін з авіяперавозчыкаў паставіць у самалёты эканом-класа ложкі для сну
Упершыню ў свеце пасажыры эканом-класа атрымаюць магчымасць прылегчы на сапраўдны ложак проста падчас палёту. Здарыцца гэта ў Новай Зеландыі.
Авіякампанія Air New Zealand распрацавала адпаведную канцэпцыю пад назвай Skynest. Згодна з ёй на новых самалётах кампаніі Boeing 787 Dreamliner цяпер з’явіцца па шэсць капсул у поўны рост для сну. З камфортам задрамаць у эканом-класе можна будзе пачынаючы з 2024 года, піша CNN.
У кожнай капсуле будзе падушка, пасцельная бялізна, навушнікі, святло для чытання, USB-порт і асобная вентыляцыя. У самалёце паставяць па тры капсулы ў два шэрагі.
Каб на 4 гадзіны адасобіцца ў капсуле, пасажыр павінен будзе заплаціць дадатковы кошт да білета эканом-класа. Адзін стандартны цыкл сну займае 90 хвілін, і за 4 гадзіны пасажыр паспее прайсці цалкам тры такія цыклы. Пасля кожнай сесіі ў капсуле будуць замяняць пасцельную бялізну.
Air New Zealand прапануе карыстальнікам адны з даўжэйшых рэйсаў на планеце, таму можна чакаць, што з’яўленне капсул для сну пасажыры кампаніі ўспрымуць з удзячнасцю. Напрыклад, у верасні гэтага года кампанія запускае прамы рэйс паміж новазеландскім Оклендам і Нью-Ёркам, які, меркавана, можа заняць 17 гадзін. У такім выпадку новы рэйс стане самым доўгім сярод усіх рэгулярных пасажырскіх рэйсаў у свеце.
Прафесійная падарожніца распавяла, як збірацца ў паездкі і якія тры рэчы абавязкова ўзяць з сабой
Чатыры незвычайныя авіякампаніі, якія насамрэч існавалі
-
У Германіі пачаўся суд над украінцам, якога абвінавачваюць у падрыве «Паўночнага патоку»
-
Інжынер OpenAI ставіў жучкі ў офісе кампаніі. Яго затрымала ФБР, але пакуль няясна, на каго ён працаваў
-
Новая прэс-сакратарка Трампа правяла першы брыфінг — і ў Белым доме ўжо сумняваюцца, ці доўга яна пратрымаецца
Цяпер чытаюць
У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?3
Каментары