У курортным горадзе Рэтымнон на Крыце грамадзянка Беларусі стала фігуранткай крымінальнай справы. Яе абвінавацілі ў выкраданні 7-гадовага дзіцяці, паведамляе ERT news.
Усё здарылася ў адным з гатэляў днём 31 ліпеня. На 47-гадовую жанчыну, якую палічылі супрацоўніцай гатэля, паскардзілася сям'я адпачывальнікаў. Па іх словах, яна завабіла іх 7-гадовага сына безалкагольным напоем і ўтрымлівала ў сваім пакоі каля гадзіны супраць яго волі. Калі жанчына выйшла, каб вярнуцца на сваё месца, дзіця ўцякло з пакоя, знайшло сваіх устрывожаных бацькоў, якія ўжо шукалі яго, і ўсё ім распавяло. У гатэль выклікалі паліцыю.
У іншага боку — свая версія таго, што здарылася. Адвакат беларускі сцвярджае, што гэта непаразуменне. Як патлумачыла жанчына, яна знайшла дзіця аднаго і клапацілася аб ім, пакуль не з'явіліся бацькі.
1 жніўня беларуску даставілі да пракурора, у яе дачыненні была заведзена крымінальная справа аб выкраданні непаўналетняга. Але, па словах адваката, сям'я хлопчыка не хоча крымінальнага пераследу жанчыны.
На наступны дзень грамадзянка Беларусі прынесла прабачэнні перад следчым і пракурорам. Яна распавяла, што ў гатэлі яе прытуліў сябар, які там працаваў, і паўтарыла, што не хацела нанесці шкоду дзіцяці.
Жанчыну ў выніку адпусцілі пад падпіску аб нявыездзе і абавязацельства аб яўцы.
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары