Мінабароны ФРГ: За трэніроўкамі ўкраінскіх вайскоўцаў у Германіі спрабавалі шпіёніць
Невядомыя асобы спрабавалі шпіёніць за базай бундэсвера ў баварскім Вільдфлекене з дапамогай беспілотніка ў ноч з 30 верасня на 1 кастрычніка.
Федэральнае міністэрства абароны Германіі ўжо пацвердзіла, што такі інцыдэнт сапраўды быў. У паведамленні ведамства гаворыцца, што адразу пасля выяўлення беспілотнікаў паліцэйскія правялі спецыяльную аперацыю — яе дэталі не выдаюцца.
Крыніцы выдання Business Insider распавялі, што ў шпіянажы было задзейнічана каля 12 беспілотнікаў: як мяркуецца, сачэнне арганізаваў расійскі бок. Пры гэтым суразмоўцы выдання падкрэсліваюць, што ніякай небяспекі для насельніцтва лятаючыя апараты не стваралі.
Проста цяпер на палігоне бундэсвера ў Вільдфлекене ўкраінскія салдаты вучацца карыстацца браніраванымі машынамі Dingo. Урад Германіі раней паабяцаў паставіць Украіне 50 такіх аўтамабіляў.
Цяпер чытаюць
Хто забараняе ў Беларусі кнігі — вось гэтыя 22 чалавекі15
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары