Сталі вядомыя імёны двух загінулых падчас падрыву крымскага моста — гэта сямейная пара з Санкт-Пецярбурга
Паводле расійскіх СМІ, у машыне па мосце падчас выбуху ехалі 53-гадовы Эдуард Чучакін і 33-гадовая Зоя Сафронава, сямейная пара з Пецярбурга. Афіцыйна гэтая інфармацыя пакуль не пацверджана.
Эдуард і Зоя разам ужо каля 10 гадоў.
Яны абодва працавалі гідамі ў Санкт-Пецярбургу і захапляліся гісторыяй. Пасля яны адкрылі невялікі сямейны ютуб-канал HedgehogTB пра апошнія часы дома Раманавых. Ролікі яны здымалі і мантавалі самі.
Пара ехала разам са сваім маскоўскім сябрам здымаць працяг сваіх фільмаў пра сям'ю Раманавых. Па словах сяброўкі Зоі, у іх сябра Сяргея дом у Крыме: там яны збіраліся бліжэйшы месяц адпачываць і займацца фільмам — у прыватнасці, запланавалі здымкі ў Лівадыйскім палацы.
Па словах сяброў, Зоя хацела адкрыць інтэрнэт-галерэю і прасоўваць сучаснае мастацтва. Таксама яна займалася гісторыяй Фінляндыі, і пара часта туды ездзіла.
Мяркуючы па старонках у сацсетках Эдуарда і Зоі, Z-патрыётамі яны не былі. Прынамсі «НН» не знайшла ў іх ніводнага допісу ці падпіскі на групы ў падтрымку сённяшняй расійскай палітыкі.
Чытайце яшчэ:
«Шэдэўр дыверсіі». Як маглі арганізаваць выбух на Крымскім мосце і чым ён пагражае
З зямлі, з неба, з мора, пад вадою і з космасу, нават «баявымі дэльфінамі». Як ахоўваюць Крымскі мост
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў20
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары
Дома ў расеі трэба было сядзець, больш нічога не магу сказаць.
Ехалі на акупаваную тэрыторыю з расіі, значыць былі. Даехалі куды трэба.