Пракуратура Маскоўскага раёна адказала на скаргу актывістаў грамадзянскай кампаніі «Еўрапейская Беларусь» на незаконныя дзеянні супрацоўнікаў міліцыі 16 ліпеня 2009 г., паведамляе сайт charter97.org са спасылкай на jeans-by.com.
У той дзень, актывісты ладзілі акцыю салідарнасці з палітзняволенымі ля следчага ізалятара на вуліцы Валадарскага ў Мінску. Шасцёх удзельнікаў пікета затрымалі амонаўцы. У аўтобусе і ў дзяжурнай часці РУУС затрыманых білі і зневажалі.
У той самы дзень актывісты Яўген Афнагель, Максім Вінярскі і Алег Ладуцька падалі скаргу ў пракуратуру Маскоўскага раёна Мінска на неправамоцныя дзеянні супрацоўнікаў міліцыі.
Праверку фактаў, выкладзеных у скарзе, правёў памочнік пракурора Маскоўскага раёна Кучугурны Д.А., а яе вынікі зацвердзіў намеснік пракурора Мазоўка К.В.
Ва ўзбуджэнні крымінальнай справы ў дачыненні амонаўцаў адмоўлена. «Довады пра неправамоцныя дзеянні супрацоўнікаў міліцыі аб’ектыўнага пацверджання не знайшлі», — гаворыцца ў адказе пракуратуры.
Разам з тым, падчас праверкі былі ўстаноўленыя асобы амонаўцаў, якія праводзілі затрыманне. Гэта супрацоўнікі 5 роты ПМСП Чачко Р.А., Белаш І.М. і Гіль А.П. Яны заявілі, што нібыта не прымянялі фізічную сілу ў дачыненні актывістаў апазіцыі.
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»22
Каментары