Гулец зборнай Беларусі па баскетболе хоча атрымаць грамадзянства Польшчы
Гулец зборнай Беларусі па баскетболе Арцём Парахоўскі хоча атрымаць грамадзянства Польшчы і падасць адпаведную заяву, піша выданне sportowefakty.wp.pl.
«Спадзяюся, што ў найбліжэйшы час атрымаю польскі пашпарт, што, безумоўна, палегчыць мне жыццё ў Польшчы, — кажа беларус. — Я жыву ва Уроцлаве ўжо 6 гадоў і не магу ўявіць, каб я і мая сям'я з'ехалі адсюль».
Парахоўскаму 35 гадоў. Ён — ураджэнец Мінска. За сваю кар'еру паспеў пагуляць у Беларусі, Украіне, Ізраілі, Расіі, Літве, Латвіі, Францыі, Андоры.
За польскі клуб «Шлёнск» беларускі баскетбаліст выступае з 2022 года. Жонка Арцёма Парахоўскага — грамадзянка Польшчы.
Беларускі баскетбол, як і расійскі, цяпер знаходзіцца пад санкцыямі, зборныя з дзвюх краін адхіленыя ад паўнавартаснага ўдзелу ў міжнародных спаборніцтвах.
Каментары