Аляксандр Лукашэнка правёў сёння нараду з міністрам унутраных спраў Іванам Кубраковым, яго намеснікамі Мікалаем Карпянковым і Дзмітрыем Карзюком, а таксама сакратаром Рады бяспекі Аляксандрам Вальфовічам. Тэмай нарады быў стан аператыўнай абстаноўкі ў краіне і развіццё сістэмы органаў унутраных спраў.
Лукашэнка падкрэсліў, што ўсё павінна ўкладвацца ў адзіную канцэпцыю.
«Я намякаю на тое, што лішніх грошай ніколі няма. Не было і не будзе. Калі трэба — значыць, трэба. Калі можам пацярпець — значыць, трэба пацярпець. У плане пашырэння, можа быць, нават якіх-небудзь выдаткаў на забеспячэнне жыццядзейнасці нашых вайсковых падраздзяленняў. Наогул сілавога блока. Таму калі магчыма пацярпець — значыць, трэба пацярпець да пэўнага часу. Але калі гэта ўжо наспела, то трэба хутка прымаць рашэнне», — адзначыў Лукашэнка.
Каментары