Мужчына пяць гадоў хадзіў з кавалачкам затычкі ў вуху і думаў, што глухне
Брытанец, які лічыў, што амаль аглух, выявіў, што ў яго вуху засела насадка ад затычкі для вушэй. Пластмасавы прадмет «жыў» там пяць гадоў, піша Бі-бі-сі.
Уолес Лі, жыхар горада Вэймут у англійскім графстве Дорсет, увесь гэты час думаў, што праблемы са слыхам звязаныя з яго працай у вельмі шумнай авіяцыйнай галіне або са старымі траўмамі, атрыманымі ў рэгбі.
Але ўрэшце ён вырашыў купіць хатні эндаскоп, з дапамогай якога выявіў у вуху маленькі белы аб'ект. Пасля гэтага Уолес пайшоў да доктара.
Па яго словах, ён адчуў велізарную палёгку, калі доктар дастаў з яго вуха кавалачак пластыка.
Уолес Лі, ветэран Брытанскага каралеўскага флоту, лічыць, што прадмет застаўся ў яго ў вуху падчас працяглага палёту самалётам.
«Пяць гадоў таму, калі я быў у сваёй сям'і ў Аўстраліі, я купіў гэтыя маленькія затычкі для вушэй, на якія можна надзяваць розныя насадкі, — сказаў ён. — Вось адна з гэтых насадак там і засела».
Прыкладна з таго часу ён пачаў заўважаць пагаршэнне слыху і пачаў асцерагацца, што неўзабаве зусім аглухне.
Уолес распавёў, што за гэтыя гады ён некалькі разоў спрабаваў добра прачысціць вушы, аднак без поспеху. Ён ужо пачаў «вар'яцець».
Доктар-ЛОР, які выцягнуў пластмасавага мучыцеля, таксама быў трохі «ў шоку».
«Спачатку ён [доктар] паспрабаваў выцягнуць яго…, але з-за таго, што фрагмент так доўга там знаходзіўся, вакол яго зацвярдзела вушная сера, і ён наогул не рухаўся», — падзяліўся сваімі пакутамі Уолес.
«Тады ён дастаў такі мініяцюрны пінцэт, які ўстаўляецца ў трубку, і прасунуў яго ў вушны канал. Я проста адчуваў, як ён цягне, а потым быў рэзкі стрэл».
«Я адразу ж пачаў чуць усё вакол. Туман, які быў у маёй галаве ўсе гэтыя гады, развеяўся, і я стаў усё выдатна чуць».
«Гэта была такая неверагодная палёгка,… быццам я зноўку пачаў чуць!» — кажа мужчына.
ЛОР-хірург Ніл дэ Зойса ў каментары Бі-бі-сі сказаў, што праверка вушэй у хатніх умовах — працэдура адносна бяспечная, але ён не раіць спрабаваць выдаляць староннія прадметы самастойна, паколькі гэта можа прывесці да інфекцыі і новых праблем.
У такіх выпадках, па яго словах, патрабуецца прафесійная медыцынская дапамога.
«Усе экстрэмісты ці ўжо асуджаныя, ці з'яўляюцца фігурантамі спраў, якія будуць разгледжаны судамі». Швед падводзіць рысу пад рэпрэсіямі?9
Каментары
Правильно говорят: у британцев даже юмор особенный.