Віцебская суддзя забараніла палітвязню-ўкраінцу выкарыстоўваць у апошнім слове лексіку з роднай мовы
У судзе Віцебскага раёна працягваецца разгляд крымінальнай справы ў дачыненні да 68-гадовага жыхара вёскі Хатоля Віцебскага раёна, палітвязня і ўраджэнца Украіны Аляксандра Патапава. Пасля ранення і гібелі во Украіне ад рук расійскіх вайскоўцаў ягонай дачкі Аксаны і пляменніцы мужчына пакінуў каментары ў «Аднакласніках», якія экспертыза палічыла «абразлівымі», піша «Вясна».
У першы дзень судовага працэсу было агучана абвінавачанне. Ураджэнец Украіны ў Беларусі жыве з 1997 года. Пасля ранення і гібелі ва Украіне ад рук расійскіх вайскоўцаў ягонай дачкі Аксаны і пляменніцы, знаходзячыся пад уплывам эмоцый, 8 і 16 ліпеня 2022 года ён размясціў у сацыяльнай сетцы два каментары, якія экспертыза палічыла «абразлівымі».
Сёння ў судзе адбыліся спрэчкі бакоў. Дзяржабвінаваўца запрасіла пазбаўлення волі тэрмінам на два гады ва ўмовах агульнага рэжыму. Адвакатка настойвала на арышце, паколькі Патапаў прызнаў сваю віну і такая мера прадугледжаная санкцыямі артыкула 368 Крымінальнага кодэкса.
Сваё апошняе слова Патапаў пачаў на рускай мове, перамешваючы яе з беларускімі і ўкраінскімі словамі: «Паважны суд, паважны пракурор! Я шчыра каюся ў тым, што зрабіў…».
Аднак суддзя Наталля Траццякова перабіла яго: «Абвінавачаны! Вы з’яўляецеся грамадзянінам Беларусі, таму павінны гаварыць на рускай мове альбо на беларускай».
— Прабачце мяне, — працягваў па-беларуску Патапаў. — Я каюся…
Прысуд Аляксандру Патапаву будзе абвешчаны 16 лістапада ў 14-50.
-
Расіяніну, які п'яным пабіўся з ахоўнікамі мінскага метро, вынеслі лагодны прысуд
-
Латушка пра магчымасць вайны ў Беларусі: Гэта ж вар'яцтва, не ўяўляю, як крамлёўская прапаганда будзе тлумачыць гэта
-
«Да канца года, спадзяюся, зможам рэалізаваць адну-дзве рэчы». Бабарыка — пра свой новы праект і беларускую мову
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»35
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары