Літва патрабуе супраць Беларусі новых санкцый з-за абвастрэння міграцыйнага крызісу
Паводле звестак МУС Літвы, улады Беларусі ствараюць неналежныя ўмовы для мігрантаў, якія знаходзяцца ў Беларусі і накіроўваюцца ў Літву, піша Delfi. «Гэта яшчэ адзін раздзел у грубых парушэннях правоў чалавека, якія мы назіраем у Беларусі», — заявіў журналістам міністр замежных спраў Габрыэлюс Ландсбергіс.
Міністр адзначыў, што літоўцы і раней «падымалі гэтыя пытанні, але я думаю, што і гэты этап мы не выпусцім з-пад увагі».
Раней кіраўніца Міністэрства ўнутраных спраў Агнэ Білатайце паведаміла, што мігранты спрабуюць трапіць у Літву з Беларусі ў халоднае надвор'е басанож, тым самым «аказваючы ціск на памежнікаў».
Па словах міністаркі, не менш за дзевяць мігрантаў трапілі ў медустановы Літвы пасля таго, як у лістападзе іх наўмысна ўтрымлівалі ў намётавых гарадках на беларускім баку, не выпускалі з іх, у людзей не было цёплай вопраткі, яны не былі гатовыя да зімовых умоў.
Літоўскія памежнікі забяспечваюць мігрантаў гуманітарнымі пакетамі з цёплым адзеннем і абуткам, але, як падкрэсліла Білатайце, не адпаведнае халоднай пары года адзенне мігрантаў не з'яўляецца падставай для іх пропуску ў Літву.
Цяпер чытаюць
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах45
Каментары