Ад 73 да 1300: расійскі ўрад штогод павялічвае квоты на навучанне ў сябе беларускіх студэнтаў
У 2023 годзе квота на навучанне ў расійскіх ВНУ за кошт федэральнага бюджэту для беларусаў будзе павялічаная і складзе 1300 месцаў. Пра гэта сказаў кіраўнік прадстаўніцтва Рассупрацоўніцтва ў Беларусі Юрый Макушын.
Па словах чыноўніка, расійская квота для таленавітай беларускай моладзі кожны год павялічваецца. Дынаміка сапраўды ўражвае: калі ў 2019 годзе яна склала ўсяго 73 месцы (гаворка ідзе пра квоту ўрада Расійскай Федэрацыі для абітурыентаў з Беларусі), то ў 2020-м — 230 месцаў, у 2021-м — 700, а ў 2022-м — 1100 месцаў адпаведна.
Самы папулярны кірунак у беларускіх студэнтаў, па словах Макушына, — прыкладная матэматыка, потым — медыцына, а на трэцім месцы — менеджмент.
Што да канкрэтных расійскіх ВНУ, то ў прыярытэце ў беларусаў Санкт-Пецярбургскі дзяржаўны універсітэт, Вышэйшая школа эканомікі і Маскоўскі фізіка-тэхнічны інстытут.
Цяпер чытаюць
Пяць дзён, 60 удзельнікаў, саўна, більярд і крыкі адно на аднаго. Расказваем, як прайшла закрытая «гульня Мацкевіча»65
Каментары