З 24 лютага па 4 снежня ва Украіне загінулі 6702 мірныя жыхары — такія апошнія даныя бюро Вярхоўнага камісара ААН па правах чалавека.
Фота: AP
Параненыя, па падліках ААН, 10479 мірных грамадзян. Сярод забітых — 424 дзіцяці, сярод параненых — 775 дзяцей.
За лістапад, паводле звестак ААН, загінулі 162 мірныя жыхары Украіны, у тым ліку 11 дзяцей, а параненыя былі 526 (у тым ліку 32 дзіцяці).
На тэрыторыях, якія знаходзяцца пад кантролем украінскіх уладаў і арміі, у лістападзе загінулі 134 і раненні атрымалі 446 мірных жыхароў.
Прычына смерцяў і раненняў у пераважнай большасці выпадкаў — абстрэлы і бамбёжкі.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары