Брытанская разведка: З набліжэннем вясны абедзве арміі стануць закладнікамі ўмоў надвор'я
Надвор'е працягвае граць значную ролю ў ходзе вайны ва Украіне, піша міністэрства Вялікабрытаніі ў сваёй свежай зводцы ў 351-ы дзень вайны.
З-за замаразкаў на ўсходзе краіны мабільнасць перамяшчэння войскаў па перасечанай мясцовасці не змянялася некалькі тыдняў.
8 лютага тэмпература ў Данбасе склала 0 градусаў па Цэльсіі а прагнозы на наступны тыдзень прадугледжваюць яшчэ большае пацяпленне — павышэнне тэмпературы глебы і раставанне снегу. Гэта можа прывесці да спаду мабільнасці ў гэтых раёнах.
Да сярэдзіны — канца сакавіка непраходная гразь зробіць перасоўванне войскаў практычна немагчымым. Камандаванне з абодвух бакоў, хутчэй за ўсё, не будзе планаваць буйных наступаў у гэты перыяд.
Аднак палітычныя мэты або аператыўная неабходнасць могуць пераважыць нязручнасці ўмоў надвор'я. Гэта ўжо было прадэманстравана, калі Расія абрала часам уварвання ва Украіну канец лютага.
Бяляцкі: Не трэба спяшацца адмяняць санкцыі. Бо гэта будзе ўспрынята рэжымам як яго перамога і слабасць Еўропы15
Каментары