Журналісты дзяржСМІ праверылі, ці збіраюцца прыхільнікі «ПВК Родан» у гарадах Мінскай вобласці. І выявілі сум і сорам правінцыі
Журналісты «Мінскай праўды» паехалі па розных гарадах Мінскай вобласці, каб на свае вочы пабачыць тусоўкі прыхільнікаў моладзевай субкультуры — так званай «ПВК Родан», якая раптоўна з’явілася ў сацсетках. Але пабачылі яны зусім іншае.
«Фаніпаль. У горадзе практычна няма месцаў, дзе сустракаецца моладзь. Групы падлеткаў часта «тусуюцца» на дзіцячых пляцоўках або ў мясцовым бізнэс-цэнтры — усярэдзіне яго і звонку, калі цёпла».
«Салігорск. Уваход у «Burger King» — месца тусовак падлеткаў». Там журналісты пабачылі каля 10 тынэйджараў, «у асноўным, дзяўчаты». «Міліцыя не прыязджала. Сітуацыя, здаецца, штатная», — робяць выснову журналісты, якія пабачылі звычайных падлеткаў.
Далей. «Смалявічы. У горадзе асаблівых тусовачных месцаў няма», — канстатуе «Мінская праўда».
«Лагойск. Пляцоўка на аўтастанцыі — адно з папулярных месцаў тусовак моладзі. Сёння тут усё ціха».
Барысаў. Тут журналісты прыйшлі да ГЦ «Мандарын» як да тусовачнага месца для моладзі.
«Шматлюдна, у прынцыпе, як і кожную пятніцу». Моладзі ў ГЦ пабачылі шмат, а вось роданаўцаў не знайшлі.
«Відаць, такіх тут сёння і не было», — робіць выснову журналіст.
У пяці гарадах Мінскай вобласці, як вынікае з рэпартажу, моладзь можа толькі тусавацца на дзіцячых пляцоўках, у парках, калі цёпла, каля аўтавакзалаў і гандлёвых цэнтраў. Дзіва, што падлеткі ў розных гарадах Беларусі сотнямі прыходзілі паглядзець на нейкі загадкавы «Родан».
-
Палітвязня Уладзіміра Кнігу трэці раз будуць судзіць за «злоснае непадпарадкаванне» ў калоніі
-
Севярынец: Мы не павінны быць ружовымі поні і казаць, што мы будзем гладзіць па галаве тых самых кадэбістаў альбо спецназаўцаў, якія б’юць людзей
-
«Лукашэнка назваў нас дэзерцірамі». Гісторыя беларускі, якая ў 1970‑я ўцякла з беларускага калгаса ў Літоўскую ССР
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца9
Каментары