Міністэрства лясной гаспадаркі апублікавала новую інтэрактыўную карту забарон і абмежаванняў на наведванне лясоў. Да Заходняй Беларусі дадаліся 11 раёнаў Магілёўскай вобласці, а таксама Лоеўскі раён Гомельскай.
З 26 красавіка забаранілі наведванне лясоў ў Касцюковіцкім, Клімавіцкім, Краснапольскім, Крычаўскім, Магілёўскім, Мсціслаўскім, Слаўгарадскім, Хоцімскім, Чавускім, Чэрыкаўскім, Шклоўскім раёнах.
Уведзена абмежаванне ў Лоеўскім раёне Гомельскай вобласці. Яшчэ раней былі ўведзеныя абмежаванні ва ўсіх раёнах Брэстчыны і Гродзеншчыны, а таксама ў Салігорскім і Слуцкім раёнах Мінскай вобласці.
Пакуль цалкам зялёная Віцебская вобласць.
Чым адрозніваецца забарона ад абмежавання?
Пры ўвядзенні абмежаванняў бесперашкодна можна хадзіць у лес у грыбы або ягады толькі пешшу. Заязджаць на аўто і разводзіць вогнішчы забараняецца.
Калі дзейнічае забарона, то ўваход у лес закрыты ўсім. Праўда, як удакладняюць у Мінлясгасе, работнікі лясных гаспадарак, калі выяўляюць парушальніка, у большасці выпадкаў праводзяць з ім прафілактычную гутарку. А вось за развядзенне вогнішча або кінуты недакурак можна атрымаць штраф да 12 базавых велічынь. Калі праз вогнішча загарыцца лес, то штраф павялічваецца да 30 базавых адзінак.
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі10
Каментары