Яшчэ адзін банк уводзіць вялізную камісію за абслугоўванне рахункаў у далярах і еўра
БНБ-Банк услед за Прыёрбанкам уводзіць штомесячную плату за абслугоўванне рахункаў фізічных асоб, дзе захоўваецца ад 50 тысяч даляраў ці еўра. У месяц за іх захоўванне давядзецца плаціць 500 рублёў, паведамляе Office Life.
Спецыялісты патлумачылі, што Нацбанк Беларусі праводзіць доўгатэрміновую палітыку дэдалярызацыі, дакладней, гэты працэс тычыцца абедзвюх самых папулярных у беларусаў валют: як даляраў ЗША, так і еўра. У той жа час, фінансавы рэгулятар вядзе сістэмную працу па зніжэнні ўзроўню інфляцыі і ўмацаванні нацыянальнай валюты.
Эксперты адзначаюць, што стаўкі на рублёвыя крэдыты для юрыдычных асоб зніжаюцца і становяцца цалкам супастаўныя з валютнымі. Пры такіх стаўках прывабнасць рублёвых крэдытаў відавочна вышэйшая праз адсутнасць патэнцыйных курсавых рызык.
У той жа час, фізічныя асобы ў прынцыпе беларускімі банкамі не крэдытуюцца ў валюце — толькі ў беларускіх рублях.
Як піша Office Life, сукупнасць апісаных вышэй фактараў прыводзіць да фармавання ў банкаў лішкаў замежнай валюты, якія банкам невыгадныя: яны нясуць выдаткі на прыцягнутую, але не выдадзеную ў выглядзе крэдытаў валюту. А таму фінансавыя структуры імкнуцца стымуляваць кліентаў мяняць валюту на рублі ці выводзіць даляры ці еўра са сваіх рахункаў у прынцыпе.
У апошні час становіцца ўсё больш відавочным трэнд на развіццё фінансавых адносін з азіяцкімі краінамі, што павялічвае патрэбнасць беларускіх банкаў у азіяцкіх валютах, у прыватнасці, кітайскіх юанях.
Цяпер чытаюць
Ціханоўскі адказаў Ціханоўскай: Чамусьці не згадваецца, што рэабілітацыя сына адбывалася ў кватэрах і дамах, якія я купіў104
Каментары
А насельніцтва - у тушонцы, паліве, цукру і набоях для АК. Бо праз пару гадоў такога "рукаваджэнія" толькі гэта і застанецца ў якасьці валюты.