«Лукашэнку ад ААН даслалі звычайнае тыпавое запрашэнне» — Франак Вячорка
Галоўны дарадца Святланы Ціханоўскай Франак Вячорка пракаментаваў па просьбе выдання «Позірк» інфармацыю пра тое, што Аляксандр Лукашэнка нібыта атрымаў эксклюзіўнае запрашэнне наведаць мерапрыемства ад генеральнага сакратара ААН Антоніу Гутэрыша.
«Такія запрашэнні рассылаюцца аўтаматычна», — паведаміў Вячорка. І дадаў: «Мы на сувязі з ААН».
Раней дарадца Ціханоўскай па прававых пытаннях Крысціна Рыхтэр заявіла, што запрашэнне Лукашэнкі ў ААН не надае яму легітымнасці. Рыхтэр падкрэсліла, што «для аанаўскай структуры той, хто мае эфектыўную ўладу над тэрыторыяй, з'яўляецца яе прадстаўніком».
Саміт ААН па Мэтах устойлівага развіцця мае адбыцца ў Нью-Ёрку ў верасні. Лукашэнка атрымаў запрашэнне наведаць яго асабіста, але яшчэ невядома, ці паедзе.
Гэта будзе другі такі саміт. Першы адбыўся ў 2015 годзе. Лукашэнка ў ім удзельнічаў.
Днямі ў Мінск прыязджала рэгіянальная дырэктарка па Еўропе і Цэнтральнай Азіі Упраўлення ААН па каардынацыі дзейнасці ў мэтах развіцця Гві Еоп Сон. Яна правяла сустрэчы з мясцовымі чыноўнікамі і нагаварыла ім шмат кампліментаў, паставіўшы дзеянні лукашэнкаўскай Беларусі ў галіне ўстойлівага развіцця нават у прыклад іншым краінам. Гэта выклікала негатыўную рэакцыю з боку апанентаў рэжыму, якіх абурыла тое, што міжнародная чыноўніца заплюшчыла вочы на маштабныя палітычныя рэпрэсіі, якія ўжо амаль тры гады метадычна і няспынна праводзіць рэжым Лукашэнкі.
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс15
Каментары