Як выглядалі чыноўнікі ў раёнах на ўрачыстасцях Дня дзяржаўнага сцяга ФОТЫ
Беларускую глыбінку да Дня сцяга, герба і гімна прыбралі ў чырвона-зялёнае.
Галоўныя ўрачыстаці праходзілі ў абласных цэнтрах. На іх, як водзіцца, прадпрыемствы і арганізацыі рэкрутавалі ўдзельнікаў, якія меліся з'явіцца са сцягамі.
У Магілёве да гэтага дня прымеркавалі адкрыццё адрамантаванай вуліцы Камсамольскай. Тралейбусам па ёй праехала кіраўніцтва гарвыканкама і аблвыканкама. Старшыня абласной вертыкалі Анатоль Ісачанка і гарадскі кіраўнік Аляксандр Студнеў былі без гальштукаў.
Рамонт вуліцы выдаўся скандальным, бо дарожнікі знішчылі старую брукаванку на ёй.
Ускладаць кветкі да мемарыяла «Барацьбітам за савецкую ўладу» магілёўскія чыноўнікі прыйшлі пры гальштуках. Плошча Славы, дзе адбылася асноўная ўрачыстасць, патанала ў чырвона-зялёным. У першых шэрагах была міліцыя.
У Шклове Дзень дзяржаўнага сцяга адзначылі без асаблівага пафасу. Да афіцыйнай даты правялі велапрабег. Старшыні райвыканкама Андрэя Камко, як выглядае з публікацый праўладных медыя, на ўрачыстасцях не было.
Букет з трох гваздзікоў да помніка палеглым у Другую сусветную вайну ўскладаў намеснік старшыні Шклоўскага райвыканкама Аляксандр Давыдовіч. На чыноўніку быў завялікі для яго касцюмны гарнітур. Побач з ім была жанчына ў майцы з надпісам «Любимую не отдают».
На ўрачыстасцях у Бялынічах. Фота: телеграм-канал «Новости Белыничей»
Найбольш крэатыўнымі на Магілёўшчыне былі чыноўнікі ў Бялынічах. Для іх пашылі чырвона-зялёныя строі.
У такі была апранута і старшыня райвыканкама Вольга Прыстромская. Яна віншавала ў ім пераможцаў спартовага забегу, прымеркаванага да афіцыйнай даты.
У Горках зладзілі вайсковы парад. Яго ўдзельнікамі былі ахоўнікі мясцовай калоніі і лячэбна-працоўнага прафілакторыя для жанчын.
Старшыня райвыканкама Міхаіл Гулы выступаў на фоне траіх вайскоўцаў.
У Крычаве адзначаць Дзень сцяга сабралі апранутую ў мілітары моладзь.
Старшыня Крычаўскага райвыканкама Андрэй Седукоў у строгім касцюме разам з падначаленымі раздаваў пасведчанні новым членам БРСМ. Тыя ў адказ прысягалі на вернасць «дзяржаўным сімвалам Беларусі».
Сёлета ўпершыню ўлады адзначаюць Дзень сцяга, герба і гімна Рэспублікі Беларусь. Да 12 красавіка 2023 года гэта дата была прысвечана толькі гербу і сцягу.
Адзначаюць гэты дзень у памяць пра рэферэндум 14 мая 1995 года, па выніках якога былі адмененыя нацыянальныя сімвалы Беларусі — бела-чырвона-белы сцяг і герб «Пагоня» — і ўведзеныя сучасныя. Пра гімн на тым рэферэндуме гаворкі не вялося.
Дзень сцяга, герба, а цяпер і гімна адзначаюць штогод у другую нядзелю мая. Сёлета на ім не выступіў Лукашэнка. Ён не з'яўляецца на публіцы ад 9 мая.
«Наша Нiва» — бастыён беларушчыны
ПАДТРЫМАЦЬГлядзіце таксама:
У Дзярждуме пацвердзілі інфармацыю аб праблемах са здароўем у Лукашэнкі
Лукашэнка бярэ ўдзел у Парадзе Перамогі на Краснай плошчы ФОТА
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў23
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары
яны з голаду пухнуць?