Канчаткова: беларускіх спартоўцаў не дапусцяць да ІІ Еўрапейскіх гульняў
Еўрапейскі алімпійскі камітэт (ЕАК) пацвердзіў, што спартоўцаў з Расіі і Беларусі не дапусцяць да ўдзелу ў Еўрапейскіх гульнях, якія пройдуць у Польшчы ў чэрвені гэтага года.
У студзені ЕАК ужо было абвешчана, што любыя рашэнні, якія могуць быць прыняты з нагоды ўдзелу беларусаў і расіян у спаборніцтвах пад эгідай камітэта, ніяк не закрануць Еўрапейскія гульні гэтага года, піша «Спутнік».
«Расійскія і беларускія спартсмены не будуць выступаць на Еўрапейскіх гульнях у 2023 годзе ні ў якой якасці. Да пачатку спаборніцтваў засталося менш за 40 дзён, і нічога не зменіцца», — гаворыцца ў заяве аднаго з прадстаўнікоў ЕАК.
Еўрагульні-2023, на якіх будуць разыграны пуцёўкі на Алімпіяду ў Парыжы, стартуюць у Польшчы 21 чэрвеня і завершацца 2 ліпеня. Спаборніцтвы разгорнуцца на арэнах Кракава і іншых гарадоў Малапольскага ваяводства.
Чытайце таксама:
Пагоня, Вітаўт, Шагал, Быкаў. Вы не паверыце, але ўсё гэта было на адкрыцці Еўрапейскіх гульняў
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары