Лукашэнка і Пуцін павіншавалі Эрдагана з перавыбраннем на пасаду прэзідэнта Турцыі
«Пераканаўчай» назваў Лукашэнка перамогу Эрдагана, якая адбылася толькі ў другім туры і з мінімальным адрывам.
Аляксандр Лукашэнка ў сваім звароце да прэзідэнта Турцыі заявіў, што лічыць Рэджэпа Эрдагана «годным, моцным палітыкам».
«Лічу вас годным, моцным палітыкам і добрым сябрам Беларусі. У нас аднолькавыя інтарэсы па дээскалацыі міжнароднай абстаноўкі, забеспячэнні харчовай бяспекі і мірным вырашэнні спрэчак. Можаце на нас заўсёды разлічваць», — звярнуўся да Эрдагана Лукашэнка.
Пуцін назваў перамогу Эрдагана «заканамернай».
«Перамога на выбарах стала заканамерным вынікам вашай самаадданай працы на пасадзе кіраўніка Турэцкай Рэспублікі», — напісаў Пуцін Эрдагану.
У Турцыі сёння прайшоў другі тур прэзідэнцкіх выбараў. Пасля апрацоўкі больш за 98% бюлетэняў Эрдаган атрымлівае 52% галасоў, Кылычдароглу — 48%, паведамляюць агенцтвы навін. Афіцыйныя даныя выбарчай камісіі пакуль не апублікаваны.
Выступаючы перад сваімі прыхільнікамі, Эрдаган абвясціў сябе пераможцам выбараў.
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе27
Каментары