«Гэта быў дзень шчасця»: Зяленскі расказаў пра прапанову партнёраў па F-16
Прэзідэнт Украіны адзначыў, што Кіеў атрымае ад міжнародных партнёраў «магутную колькасць» сучасных знішчальнікаў F-16.
«На сёння апошняя наша важная сустрэча [была] ў Малдове, дзе я меў закрытую сустрэчу з краінамі, якія дакладна пацвердзілі, што дадуць нам F-16. Дзеля гэтага нам патрэбнае сумеснае ўзгадненне разам з ЗША», — сказаў Уладзімір Зяленскі на прэс-канферэнцыі 6 чэрвеня.
Кіраўнік дзяржавы адзначыў, што не можа агучваць падрабязнасці, у прыватнасці адносна колькасці знішчальнікаў, але запэўніў, што атрымаў ад некаторых еўрапейскіх партнёраў разуменне, што колькасць будзе магутная.
«У мяне быў проста дзень шчасця. Бо часам, вы ведаеце, штосьці трэба па адным, па два [самалёты] неяк дамаўляцца, а тут была сур'ёзная, магутная прапанова. Важна, каб гэтая кааліцыя на паперы была дамоўленасцю на Рамштайне або на іншай платформе, дай бог, каб мы гэта даціснулі, і тады пачнецца падрыхтоўка ўсёй інфраструктуры, і гэта не хутка».
У той жа час Зяленскі дадаў, што ў паветраных сіл УСУ ёсць разуменне адносна інфраструктуры для F-16, а камандуючы паветраных сіл Мікалай Аляшчук «ведае, дзе і што рабіць».
Украіна не будзе выкарыстоўваць знішчальнікі F-16 летам — Рэзнікаў
На пастаўку знішчальнікаў F-16 ва Украіну сыдзе ў найлепшым выпадку некалькі месяцаў
ЗША ў апошнія тыдні далі зразумець еўрапейскім саюзнікам, што дазволяць перадаць Украіне знішчальнікі F-16 — CNN
Самалёты F-16 Украіне: што гэта памяняе
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў31
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары