Канцлер Германіі Олаф Шольц на ўрадавай прэс-канферэнцыі 14 чэрвеня заявіў, што цяпер неабходна абмеркоўваць гарантыі бяспекі для Украіны і што размову пра гэта Берлін ужо даўно вядзе са сваімі найважнейшымі саюзнікамі. Пры гэтым канцлер згадаў і пра Беларусь, як піша Deutsche Welle.
Кіраўнік Германіі падкрэсліў, што гаворка не можа ісці пра тое, каб «нейкім чынам замарозіць вайну і ўзаконіць расійскі захопніцкі набег», як заклікаюць некаторыя галасы.
Вайну Расіі супраць Украіны Олаф Шольц назваў паваротным момантам, паколькі, на яго думку, з яе пачаткам у Еўропе было адмененае разуменне, што межы не павінны перасоўвацца з ужываннем сілы.
«А расійскі прэзідэнт відавочна хоча паглынуць некаторыя суседнія тэрыторыі: у яго ёсць такі план у дачыненні да Украіны, і, цалкам відавочна, гэта таксама ягоны план у дачыненні да Беларусі», — упэўнены кіраўнік нямецкага ўрада.
Таму Шольц лічыць важнай далейшую падтрымку Украіны столькі, колькі гэта будзе патрэбна, а таксама дадаў:
«Мы не пагодзімся на навязаны мір. Расія павінна вывесці войскі».
Цяпер чытаюць
Беларуска распачала чэлендж «40 спатканняў», але ўжо на сярэдзіне не хавае расчаравання ў мужчынах54
Каментары