У Францыі людзей напалохаў нетыповы моцны землятрус на захадзе краіны
У пятніцу і ў ноч на суботу жыхароў многіх раёнаў Аквітаніі на захадзе Францыі напалохалі моцныя падземныя штуршкі, што даволі рэдкая з'ява для гэтага рэгіёна.
Нацыянальная сетка сейсмалагічных назіранняў і Цэнтральнае сейсмалагічнае бюро паведамляюць, што першыя моцныя штуршкі адбыліся ў 18:38 у пятніцу, эпіцэнтр размяшчаўся паміж гарадамі Ніёр і Ля-Рашэль. Магнітуда дасягала ад 5,3 да 5,8, піша Le Figaro.
«Штуршкі магнітудай 5 адчулі сёння раніцай у 4:27 у тым жа сектары дэпартамента Дэ-Сеўр… Пажарна-выратавальныя службы ў гатоўнасці і пачынаюць высвятляць сітуацыю, рэагуючы на выклікі і правяраючы стан будынкаў», — паведамілі ў прэфектуры дэпартамента.
ALERTE INFO - Une nouveau #séisme d’une magnitude 4,4 a été ressenti en pleine nuit dans l’ouest de la France vers 04h du matin. Il s’agit d’une réplique. (EMSC) pic.twitter.com/gIUhRqB3AU
Мясцовых жыхароў заклікалі не заставацца ўнутры памяшканняў і не падыходзіць да будынкаў, якія пасля штуршкоў выглядаюць ненадзейнымі.
Афіцыйна аб разбурэннях пакуль не паведамлялі, аднак французскім медыя стала вядома, што ў сценах некалькіх старадаўніх храмаў на тэрыторыі дэпартамента Дэ-Сеўр пасля штуршкоў з'явіліся расколіны.
SÉISME EN FRANCE - Des dégâts importants sont visibles sur le clocher de l’église de la Laigne, dans les Deux-Sèvres. D’autres églises autour de l’épicentre du #séisme présentent également des dégâts. ( France 3) pic.twitter.com/z6pAx0Xu5O
SÉISME EN FRANCE - Le village de la Laigne (500 habitants) en Charente-Maritime a été évacué dans la nuit en raison des nombreux dégâts sur les bâtiments du village après le #séisme d’hier. (@Bleu_Rochelle) pic.twitter.com/71Nuo6aWzT
Цяпер чытаюць
Арыштаваны сенатар Карпіцкі, галоўны доктар Брэсцкай абласной бальніцы3
Каментары