У Пінску прайшоў «Парад калясак». Перамагла — у выглядзе БелАЭС
Учора ў Пінску прайшоў «Парад калясак», якія фантазіяй сваіх стваральнікаў павінны былі ўразіць гасцей свята і журы. Перамагла сапраўды незвычайная каляска.
На свяце былі каляскі самыя розныя: і ў выглядзе казачнага доміка, і ў выглядзе газавай пліты.
Вызначыць пераможцу было складана, як піша мясцовае выданне «Пінскі Веснік». Усе ўдзельнікі шоу атрымалі сертыфікаты і іншыя падарункі. Але першае месца прызначылі сям'і Вярэнічаў.
Яны зрабілі каляску ў выглядзе БелАЭС.
У шматдзетнай сям'і Вярэнічаў найстарэйшаму сыну Уладзіміру — пяць гадоў, блізнятам Юрыю і Дзмітрыю — па сем месяцаў. Бацькі Наталля і Ігар працуюць у Пінскіх цеплавых сетках — філіяле РУП «Брэстэнерга». Чаму іх натхніла акурат выява Беларускай АЭС?
— Нашы малыя — сапраўдны ядзерны рэактар. Гэта невычэрпная крыніца энергіі, святла і цяпла, — адказала маці Наталля.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары