ЕС увядзе санкцыі супраць 38 фізічных асоб і 3 юрыдычных асоб з Беларусі — Politico
Будуць уведзены экспартныя абмежаванні ў дачыненні да тавараў падвойнага прызначэння, такіх як дроны або камп'ютары, што могуць быць выкарыстаны ў баявых дзеяннях ва Украіне, а таксама ў дачыненні да авіязапчастак.
Еўрасаюз уключыць у санкцыйны спіс супраць лукашэнкаўцаў 38 фізічных асоб і 3 юрыдычныя асобы. Пра гэта паведаміла Politico са спасылкай на дыпламатаў ЕС.
Акрамя таго, будуць уведзеныя экспартныя абмежаванні ў дачыненні да тавараў падвойнага прызначэння, такіх як дроны або камп'ютары, што могуць быць выкарыстаны ў баявых дзеяннях ва Украіне, а таксама ў дачыненні да авіязапчастак, піша выданне.
У сераду іспанскае старшынства ў Радзе ЕС паведаміла, што Камітэт пастаянных прадстаўнікоў пры ЕС змог узгадніць узмацненне жорсткасці антылукашэнкаўскіх санкцый.
Паслы не змаглі ўзгадніць уключэнне ў новы пакет рэстрыкцый забароны на імпарт у ЕС беларускіх угнаенняў, піша ТАСС.
Паводле звестак дыпламатычных крыніц, ЕС меў намер цалкам сінхранізаваць рэжым санкцый супраць Беларусі з рэстрыкцыямі ў дачыненні да Расіі. Пералік забароненых для паставак Мінску тавараў мае стаць ідэнтычным расійскаму, аднак кампраміс у гэтым пытанні не быў дасягнуты.
Польшча і краіны Балтыі імкнуліся ўвесці новыя санкцыі супраць Беларусі да 9 жніўня — трэцяй гадавіны прэзідэнцкіх выбараў і шырокага падаўлення пратэстаў.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў34
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары