Урад скарэктаваў парадак аплаты за праезд па платных дарогах унутры краіны. Адпаведная пастанова апублікаваная на pravo.by. Пашырылі спіс парушэнняў, якія разглядаюцца як неаплата праезду па такіх дарогах.
Цяпер пералік парушэнняў, якія адносяцца да неаплаты, дапоўнены адсутнасцю дзейнай электроннай віньеткі з рэгістрацыйным знакам.
Устаноўлены абавязак вяртання прылад электроннай аплаты ў «Белаўтастраду» пры змяненні мэты эксплуатацыі транспарту і спыненні права ўласнасці на аўтамабіль або змене яго рэгістрацыйнага знака.
Акрамя таго, цяпер карыстальнікам платных дарог дадзена магчымасць уносіць плату за электронную віньетку з паліўных картаў. Цяпер кіроўцы абавязаныя прытрымлівацца акустычных і аптычных сігналаў, якія падаюцца прыладай электроннай аплаты.
Каментары