Грамадства77

«Гучыць як эпічнае трызненне». У навучальных установах Брэста забараняюць песні на замежных мовах — BG.Media

У Маскоўскім раёне Брэста забаранілі на ўсіх школьных мерапрыемствах выконваць і ўключаць песні на замежных мовах, паведаміў выданню BG.Media работнік адной з устаноў адукацыі горада на ўмовах ананімнасці. Афіцыйнага пацвярджэння такога рашэння пакуль няма, але і падстаў не верыць сваёй крыніцы, як адзначае выданне, у яго няма таксама.

«Гучыць як эпічнае трызненне, але дырэктары школ на поўным сур'ёзе заявілі пра гэта. Самы «сок» у школах, якія спецыялізуюцца на вывучэнні замежных моў. У іх таксама нельга спяваць песні на замежных мовах», — расказаў суразмоўца выдання.

Ён лічыць, што кіраўніцтва школ і гімназій Ленінскага раёна Брэста будзе прытрымлівацца такой жа палітыкі. У Маскоўскім «не сталі парыцца» і адразу даслалі паперу, а ў Ленінскім — гэта ініцыятыва кіраўніцтва.

«У нас тое самае, толькі негалосна. Наша дырэктарка яшчэ ў канцы мінулага года як вар'ятка бегала і забараняла замежныя песні, — адзначыў работнік адукацыі. — Уся шуміха праз «жудасны ўплыў Захаду».

Па яго словах, забарона распаўсюджваецца на выкананне і ратацыю песень на замежных мовах на школьных святах, конкурсах, гульнях, спаборніцтвах і іншых мерапрыемствах. 

Падобныя захады добра ўпісваюцца ў агульную палітыку, якой апошнім часам трымаецца Міністэрства адукацыі ў дачыненні да «заходніх уплываў». Так, летам спецыяльная група Мінадукацыі старанна правярала кабінеты гісторыі, геаграфіі і замежных моў. У выніку маніторынгу ва ўстановах адукацыі прыбралі брытанскія сцягі, каб яны «не дамінавалі над беларускімі».

А намеснік міністра адукацыі Аляксандр Кадлубай нядаўна ў ток-шоу «Па сутнасці» тэлеканала СТБ заявіў, што «трэба не вывучаць і пагружацца ў культуру і гісторыю носьбітаў мовы, а ведаць сваю культуру і гісторыю на замежнай мове, у гэтым няма нічога дрэннага, наадварот, карысна».

Каментары7

  • дзядок
    02.09.2023
    Пярэдазень усталявання сяброўскіх, цёплых, нават сардэчных адносін з Кім Чэн Ынам і з талібамі.
  • Вось
    02.09.2023
    «У Маскоўскім раёне Брэста забаранілі… кіраўніцтва школ і гімназій Ленінскага раёна Брэста будзе прытрымлівацца такой жа палітык…». А што вы чакаеце ад лукашыстаў, калі ў краіне спрэс усё маскоўскае і ленінскае.
  • Felix
    02.09.2023
    Sapientis sat!
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Якія праблемы грамадства мог бы вырашыць Турчын, калі б ён быў лібералам у цэнтры сістэмы? І ці мог бы?3

Якія праблемы грамадства мог бы вырашыць Турчын, калі б ён быў лібералам у цэнтры сістэмы? І ці мог бы?

Усе навіны →
Усе навіны

У Пакістане вызвалілі 150 з 450 закладнікаў захопленага цягніка

Аляксей Протас аформіў сёмы беларускі хет-трык у НХЛ1

Майстра манікюра судзяць за палітыку. Ёй пагражае да трох гадоў калоніі2

У Зяленскага паведамілі, калі пачнуць абмеркаванне дэталяў пра спыненне агню

Дактароў, што лячылі Марадону перад смерцю, будуць судзіць. Ім пагражае да 25 гадоў турмы

Што за расійскі серыял «Аўтсорс», пра які ўсе гавораць? У ім паказваюць, як «часам не да законаў»13

Актыўнае сэксуальнае жыццё вельмі часта пачынаюць дастаткова рана, у 11-12 гадоў. Праўда, тут ёсць адно вялікае «але»1

Ці абавязаны пакупнік плаціць, калі разбіў тавар у краме?2

NED аднаўляе фінансаванне праектаў ва ўсім свеце7

больш чытаных навін
больш лайканых навін

Якія праблемы грамадства мог бы вырашыць Турчын, калі б ён быў лібералам у цэнтры сістэмы? І ці мог бы?3

Якія праблемы грамадства мог бы вырашыць Турчын, калі б ён быў лібералам у цэнтры сістэмы? І ці мог бы?

Галоўнае
Усе навіны →

Заўвага:

 

 

 

 

Закрыць Паведаміць