Супрацоўнікі ГУУС Мінгарвыканкама перакрылі чарговы канал пастаўкі наркотыкаў з Расіі ў Беларусь.
Як паведамілі ў ГУУС, спачатку ў поле зроку аператыўнікаў падраздзяленняў па наркакантролі і супрацьдзеянні гандлю людзьмі трапілі некалькі спажыўцоў псіхатропных рэчываў. Затым міліцыя выйшла на пастаўшчыка — 57‑гадовага непрацуючага грамадзяніна Расіі. Хутка з’явіліся важкія падставы меркаваць, што менавіта ён і арганізаваў паступленне наркотыкаў у Беларусь з Санкт‑Пецярбурга.
Падчас затрымання расіяніна ў Мінску ў яго знайшлі 19 г метадону, а ў доме, дзе ён жыў, у Мінскім раёне — больш як 30 г метадону, звыш 47 г гераіну, каля 1.000 таблетак МДМА. Апрача таго, у затрыманага канфіскаваны пісталет «ТТ» 1945 года выпуску, два магазіны і 17 патронаў да яго.
Следчым аддзелам папярэдняга расследавання Фрунзенскага РУУС распачата справа па ч. 3 арт. 328 КК (незаконны абарот наркатычных сродкаў, псіхатропных рэчываў).
Падазроны змешчаны ў ізалятар часовага ўтрымання, правяраецца яго замешанасць ва ўчыненні іншых злачынстваў.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння66
Каментары