Эвіка Сіліня ўзначаліла ўрад Латвіі сёлета ўлетку. Фота: фэйсбук Эвікі Сіліні
Канчатковае рашэнне аб адмове ад рускай мовы ў грамадскіх СМІ не прынята, заявіла прэм'ер-міністр Латвіі Эвіка Сіліня ў праграме ЛТВ «Ранішняя Панарама», піша Delfi.lv.
28 верасня Сейм зацвердзіў новую канцэпцыю нацыянальнай бяспекі, якая, у прыватнасці, змяшчае ідэю аб адмове ад рускай мовы ў грамадскіх СМІ з 2026 года.
Па словах Сіліні, зараз няма падстаў казаць пра тое, што гэта сапраўды адбудзецца, бо зацверджаны дакумент з'яўляецца толькі канцэпцыяй, а не канкрэтным планам дзеянняў.
Яна дадала, што па гэтым пытанні з зацікаўленымі бакамі і экспертамі яшчэ будуць дыскусіі, а Міністэрства культуры распрацуе метадычныя рэкамендацыі для СМІ, дзе павінна быць агаворана гэтае пытанне.
З рашэннем аб адмове ад рускай мовы ў грамадскіх СМІ не згодныя самі СМІ, Савет па грамадскіх электронных СМІ і міністр культуры Агнэсе Логіна.
Станам на 2023 год, рускіх у Латвіі жыло 23 працэнты, украінцаў і беларусаў — па тры працэнты. Аднак у Рызе рускіх 34 працэнты, украінцаў — 4,86%, беларусаў — 3,48%. У Даўгаўпілсе (Дзвінску) латышы наогул складаюць усяго 21 працэнт, палякі — 13 працэнтаў.
Чытайце таксама:
Сейм Латвіі ўхваліў забарону рускай мовы ў грамадскіх СМІ
Прэзідэнт Латвіі назваў тры фактары, якія прымусяць Крэмль спыніцца ва Украіне
У Латвіі дамовіліся аб канфіскацыі аўтамабіляў на беларускіх нумарах
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)