Расія назапашвае ракеты перад ударам па Украіне — брытанская разведка
Брытанская разведка мяркуе, што Расія можа рыхтавацца да масіраваных удараў па Украіне зімой.
Самалёты далёкай авіяцыі ВПС Расіі не наносілі ўдараў па Украіне на працягу 21 дня — з 21 верасня 2023 года.
«Хоць такія перапынкі не былі чымсьці незвычайным, апошні аналагічны перапынак адбыўся ў перыяд ад 9 сакавіка да 28 красавіка 2023 года, гэта значыць на працягу 51 дня.
У гэтым выпадку было верагодна, што далёкая авіяцыя амаль вычарпала свае запасы баяздольных ракетных боепрыпасаў AS-23 пасля сваёй зімовай кампаніі супраць крытычна важнай нацыянальнай інфраструктуры Украіны», — адзначае разведка.
На гэты раз, мяркуюць там, расійскае войска можа захоўваць запасы ракет AS-23, а таксама выкарыстоўваць гэтую паўзу для павелічэння запасаў у чаканні далейшых масіраваных удараў па Украіне зімой.
«Нядаўна Расія засяродзіла свае авіяўдары супраць аб'ектаў, звязаных са збожжам, на поўдні Украіны, выкарыстоўваючы беспілотныя лятальныя апараты аднабаковай атакі», — дадае разведка.
Гэта ўключала ўдары па ўкраінскіх рачных партах на Дунаі, што, верагодна, патрабавала высокага ўзроўню дакладнасці з-за блізкасці мэты да румынскай мяжы.
Аналітыкі мяркуюць, што Расія выкарыстоўвала БПЛА «Shahed» OWA для гэтых мэтаў з-за іх лепшай дакладнасці ў параўнанні з іншымі тыпамі ракет паветранага базавання.
Цяпер чытаюць
Яму далі 15 гадоў па паказаннях Пратасевіча. Ён пасівеў за адну ноч23
Каментары