Беларуса прыцягнулі да адміністрацыйнай адказнасці за «экстрэмізм», але ён сядзіць у СІЗА
13 кастрычніка ў раённым судзе Жлобіна Аляксея Аўдзеева прызналі вінаватым у здзяйсненні адміністрацыйнага правапарушэння.
Маладога чалавека абвінавацілі па частцы 2 артыкула 19.11 КаАП «Распаўсюд інфармацыйнай прадукцыі, уключанай у рэспубліканскі спіс экстрэмісцкіх матэрыялаў».
У пастанове, якую вынесла Наталля Качалава, фігуруе два эпізоды «адміністрацыйнага правапарушэння» з «экстрэмісцкай» скіраванасцю: падчас ператрусу ў Аляксея быў знойдзены друкаваны плакат, а таксама ва «УКантакце» знойдзеныя падпіскі на інфармацыйныя рэсурсы, якія ўлада прызнала «экстрэмісцкімі».
Паводле пастановы, Аляксея Аўдзеева аштрафавалі на 1110 рублёў з канфіскацыяй мабільнага тэлефона.
Сам Аляксей на судзе не прысутнічаў. Ён знаходзіцца ў СІЗА праз тое, што яго абвінавачваюць у здзяйсненні злачынства па ч. 1 арт. 342 КК Беларусі («Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх»).
27 кастрычніка ў судзе Жлобінскага раёна адбыўся суд над Аляксеем, але ўжо па крымінальным артыкуле. Справу разглядала суддзя Святлана Рубахава. Вынікі суда пакуль невядомыя.
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго6
Беларус паляцеў у Ніцу праз Стамбул — цяпер ён у коме ў французскай бальніцы. Мясцовыя медыкі раяць адключаць яго
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца1010
Каментары