Пачалося ўсё класічна. У месенджары патэлефанаваў ілжэследчы і паведаміў, што на імя мужчыны невядомая жанчына аформіла крэдыт 120 000 рублёў.
Каб перашкодзіць зламысніцы і дапамагчы вылічыць яе саўдзельнікаў сярод работнікаў банка, а таксама засцерагчы свае грошы, мінчуку неабходна «задэклараваць» усе наяўныя ў яго грашовыя сродкі на спецыяльны рахунак, паведамляе «Міліцыя Мінска».
Мужчына паверыў: перавёў усе свае зберажэнні і грошы, атрыманыя ад продажу дома, на ўказаны злачынцамі рахунак.
Падазрэнні ў мінчука ўзніклі ў той момант, калі ў яго запатрабавалі прадаць аўтамабіль. Мужчына адмовіўся, пасля чаго аферысты перасталі выходзіць на сувязь і выдалілі ліставанне ў месенджары.
Агульная сума скрадзенага склала каля 300 тысяч рублёў.
У міліцыі нагадваюць, што яны не тэлефануюць у месенджарах і не просяць аформіць крэдыт ці аказаць садзейнічанне ў злове злачынцаў.
Цяпер чытаюць
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?14
Каментары