Ён аўтар музыкі да фільмаў «Зорка чароўнага шчасця», «Белае сонца пустэльні».
У Санкт‑Пецярбургу на 87‑м годзе жыцця памёр вядомы расійскі кампазітар Ісаак Шварц.
Кампазітар памёр у пасёлку Сіверскі Ленінградскай вобласці, дзе ён жыў і працаваў апошні час.
Нарадзіўся Ісаак Шварц 13 траўня 1923 года ў горадзе Ромны ва Украіне. У 1930 годзе сям’я пераехала ў Ленінград. Праз шэсць гадоў арыштавалі яго бацьку, а сям’ю выслалі ў Кіргізію. У 1945 годзе тэрмін высылкі скончыўся, Ісаак Шварц вярнуўся ў Ленінград і пры ўдзеле Дзмітрыя Шастаковіча паступіў у Ленінградскую кансерваторыю.
Ісак Шварц — народны артыст Расіі, лаўрэат Дзяржаўнай прэміі Расіі. Ён аўтар сімфанічных твораў, напісаў музыку больш чым да 100 кінафільмаў і 35 драматычных спектакляў, у тым ліку да такіх карцінаў, як «Зорка чароўнага шчасця», «Белае сонца пустэльні», «Саламяны капялюшык», «100 дзён пасля дзяцінства».
Шмат гадоў Шварц працаваў і сябраваў з Булатам Акуджавам. Разам яны стварылі 32 песні, найбольш вядомыя з якіх
— «Песенка кавалергарда» з кінафільма «Зорка пленительного шчасця», песня «Ваше благородие, госпожа удача» («Белае сонца пустэльні»), раманс «Наряд подвенечный» («Нас вянчалі не ў царкве»), а таксама песні з кінафільма «Саламяны капялюшык».
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3737
Каментары