Савецкі суд Савецкага раёна Мінска 29 снежня прыняў рашэнне аб уключэнні ў спіс экстрэмісцкіх выданняў кнігу Віктара Суворава «Беру свои слова обратно: Вторая часть трилогии «Тень Победы».
У гэтай трылогіі, абапіраючыся на архіўныя дакументы і ўспаміны відавочцаў, аўтар расказвае пра тое, якія рашэнні прымалі савецкія военачальнікі і кіраўнікі дзяржавы ў ключавыя моманты вайны, якую ролю ў вайне на самай справе адыграў кожны з іх і чаму Савецкі Саюз, шматразова пераўзыходзячы Германію колькасцю і моцай арміі, пацярпеў у 1941 годзе шэраг буйных паразаў.
Канкрэтна ў кнізе «Беру свои слова обратно» Сувораў развенчвае вобраз маршала Георгія Жукава, да якога напачатку сваёй літаратурнай кар'еры ставіўся дастаткова станоўча. Але больш глыбокія рэфлексіі і супастаўленне фактаў прымусілі яго змяніць сваю думку і забраць свае ранейшыя словы назад.
Віктар Сувораў (сапраўднае імя Уладзімір Разун) — былы савецкі разведчык, які ў 1978 годзе ўцёк у Вялікабрытанію. Пачынаючы з пачатку 1980-х на Захадзе сталі выходзіць ягоныя кнігі, у якіх ён крытычна разглядаў савецкую канцэпцыю Другой сусветнай вайны. Сваімі працамі ён фактычна пачаў шырокую дыскусію адносна ролі кіраўніцтва СССР у развязванні Другой сусветнай вайны, прасоўвае думку, што насамрэч Сталін хацеў напасці на нацысцкую Германію першым, але Гітлер яго апярэдзіў.
Раней лукашэнкаўскія суды ўжо прызналі экстрэмісцкай кнігу Суворава «Цень Перамогі».
У Беларусі прызналі «экстрэмісцкай» чарговую кнігу
Прызналі «экстрэмісцкімі» адразу 12 кніг па гісторыі: Тарас, Дзеружынскі, Лыч, Сувораў…
«Спачатку я не магла ў гэта паверыць». Прапрапраўнучка Дуніна-Марцінкевіча расказала, якія пачуцці ў яе выклікае прызнанне творчасці продка «экстрэмісцкай»
Прызналі «экстрэмісцкім» двухтомны збор твораў Дуніна-Марцінкевіча. Ён выйшаў у дзяржаўным выдавецтве
Уладзімір Някляеў адрэагаваў на тое, што кнігу яго выбраных твораў прызналі экстрэмісцкай
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла20
Каментары
Апошні міф. Віктар Сувораў