Падлеткі ў Бялынічах праехаліся на даху «Жыгулёў» і здабылі сабе праблемы
У райцэнтры Бялынічы на Магілёўшчыне трое падлеткаў ва ўзросце 16 і 17 гадоў трапілі ў поле бачання мясцовай ДАІ, калі самі выставілі ў інтэрнэт ролік з запісам, як яны катаюцца на машыне, залезшы на яе дах.
Скрыншот з відэа
Як паведамілі ва УУС Магілёўскага аблвыканкама, 17-гадовы хлопец размясціў у інтэрнэце ролік, у якім ён сядзіць за рулём «Жыгулёў» падчас іх руху. А на даху машыны ў гэты час сядзяць яшчэ два хлопцы па 16 і 17 гадоў.
Пабачыўшы гэты ролік, аўтаінспектары прыцягнулі хлопцаў да адміністрацыйнай адказнасці: кіроўцу — за язду без правоў, а яго сяброў — за знаходжанне падчас руху аўтамабіля па-за салонам.
Матэрыялы справы адправілі ў камісію па справах непаўналетніх, а аўтамабіль — на спецыяльную стаянку. Каму ён належыць, не паведамляецца.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары