Беларускія пляжныя футбалісты прайгралі ў паўфінале чэмпіяната свету італьянцам
Зборная Беларусі па пляжным футболе ў паўфінале чэмпіяната свету саступіла па серыі пенальці італьянцам і цяпер у матчы за бронзавыя медалі сустрэнецца з Іранам.
Гульня атрымалася вельмі напружанай, інтрыга ў ёй не спадала да апошняй хвіліны.
Пасля першага тайма зборная Беларусі вяла 2:0, забітымі мячамі адзначыліся Ігар Брышцель і Яўген Новікаў.
Пасля перапынку італьянцы зраўнялі лік. За 6 хвілін да канца асноўнага часу матча Ігар Брышцель са штрафнога ўдару зноў вывеў Беларусь наперад, але ўсяго толькі крыху больш чым праз хвіліну італьянцы аднавілі раўнавагу.
Дадатковы час лік на табло не памяняў, і ўсё вырашылася ў серыі пенальці. Італьянцы былі дакладныя ўсе пяць разоў, а вось чацвёрты па чарзе ўдар беларускага футбаліста быў няўдалым. Такім чынам: 3:3 ў асноўны і дадатковы час матча і 4:5 на карысць Італіі ў серыі пенальці.
У фінале італьянцы сустрэнуцца з бразільцамі, а беларусы — з іранцамі.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі17
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары