Са студзеня распаўсюд у Беларусі насваю, снюсу ды іншых жавальных і нюхальных прэпаратаў забаронены.
Са студзеня распаўсюд у Беларусі насваю, снюсу ды іншых жавальных і нюхальных прэпаратаў з дадаткам тытуню, вапны ці іншай нетабачнай сыравіны забаронена, паведамляе «Ежедневник».
Міністэрства ўнутраных справаў ужо даўно спрабавала абмежаваць распаўсюд на тэрыторыі краіны насвая. Міліцыя праводзіла рэйды на рынках, канфіскоўвала буйныя партыі тавару, а потым змушаная было вяртаць яго ўладальнікам. Загваздка была ў тым, што хоць медыкі і прызнавалі ўжыванне насваю шкодным для здароўя, але прэпарат не быў уключаны ў рэспубліканскі пералік наркатычных сродкаў.
Аднак урэшце МУС знайшло спосаб абмежаваць распаўсюд на тэрыторыі Беларусі насваю. Менавіта міліцыя прыняла актыўны ўдзел у распрацоўцы Дэкрэту прэзідэнта №11, які набыў моц з 1 студзеня 2010 года.
Рашэннем прэзідэнта насвай быў аднесены да непалільных тытунёвых вырабаў, якія ў сваю чаргу падвялі пад дзеянне Дэкрэту прэзідэнта Рэспублікі Беларусь ад 17 снежня 2002 года №28 «Пра дзяржаўнае рэгуляванне вытворчасці, звароту і спажыванні тытунёвай сыравіны і тытунёвых вырабаў».
Паводле дакумента, вытворчасць і зварот непалільных тытунёвых вырабаў, прызначаных для смактання, вырабленых з тытуню, вапны ды іншай нетабачнай сыравіны або часткова ці цалкам вырабленых з вычышчанага тытунёвага пылу і (ці) дробнай фракцыі рэзанага тытуню з дадаткам ці без дадатку нетабачнай сыравіны і іншых інгрэдыентаў, з 1 студзеня 2010 года забаронена.
Пры гэтым ні насвай, ні снюс афіцыйна не аднесены да наркатычных ці псіхатропных рэчываў. Гэта значыць, што парушэнне дэкрэту прэзідэнта цягне за сабой не крымінальную, а адміністрацыйную адказнасць за незаконны гандаль ці незаконную вытворчасць.
Цяпер чытаюць
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах12
Усе чакалі падзення цэн, але нічога падобнага! Як за год змяніліся цэны на кватэры ў Мінску і іншых буйных гарадах
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння33
Каментары