Каманда Нехта запусціла сайт, пераважна разлічаны на расійскую аўдыторыю?
Рэдакцыя NEXTA паведаміла, што запускае свой сайт. «На ім будзе шмат эксклюзіўнага кантэнту, прафесійнай аналітыкі і вострай публіцыстыкі», — завабліваюць чытачоў у анонсе. Праўда, пры пераходзе на сайт выяўляецца, што там пакуль няма месца беларускім навінам. Гэта мэтанакіраваная палітыка?
У сайта дзве версіі — рускамоўная і англамоўная. Большасць навінаў прысвечаныя таму, што адбываецца ў свеце, з упорам на падзеі ва Украіне і Расіі, а сярод абазначаных рубрык значыцца больш шырокая «Постсавецкая прастора».
Мы спыталі заснавальніка Нехта Сцяпана Пуцілу, з чым звязаная такая выбарка.
«Сайт функцыянуе ў эксперыментальным рэжыме. Насамрэч, ён накіраваны перадусім на англамоўную аўдыторыю. Пры заходзе з Расіі і Беларусі з'яўляецца шыльда пра неабходнасць карыстацца VPN. Навіны пра Беларусь і па-беларуску таксама плануюцца: пакуль што гэта адзіны сярод беларускіх медыя сайт, які функцыянуе цалкам без донарскай падтрымкі, таму спачатку мы выводзім яго на манетызацыю за кошт пераважна замежнай аўдыторыі, а пасля пашыраем аўдыторыю і адкрываем у тым ліку беларускую версію», — пракаментаваў Пуціла.
Ён дадае, што канал з беларускімі навінамі таксама ёсць — гэта Нехта Плюс на ютубе.
«Гэта пытанне часу, але трэба саспець». Пуцін загаварыў пра адзіны парламент і валюту Беларусі і Расіі7
«Гэта пытанне часу, але трэба саспець». Пуцін загаварыў пра адзіны парламент і валюту Беларусі і Расіі
Беларускія бізнэсмены спешна прадаюць долі ў сваіх польскіх транспартных кампаніях. Што адбываецца?2
Каментары