Ствараецца Нацыянальны цэнтр заканадаўства і прававой інфармацыі
Лукашэнка падпісаў указ № 96 «Аб Нацыянальным цэнтры заканадаўства і прававой інфармацыі Рэспублікі Беларусь», паведаміла ягоная прэс-служба.
Дакументам прадугледжана рэарганізацыя Нацыянальнага цэнтра заканадаўства і прававых даследаванняў і Нацыянальнага цэнтра прававой інфармацыі. Пасля зліцця на іх базе з'явіцца адзіны цэнтр, падпарадкаваны адміністрацыі Лукашэнкі.
У прэс-службе ўдакладнілі, што гэта аб'яднанне дазволіць аб'яднаць кадравыя, навуковыя і тэхналагічныя магчымасці дзвюх структур, выключыць дубляванне функцый і павысіць эфектыўнасць працы.
Пры гэтым у Цэнтра з'явяцца два новыя паўнамоцтвы.
Першае — распрацоўка найбольш важных прававых актаў з ужываннем пакетнага прынцыпу. Напрыклад, адначасовая падрыхтоўка праектаў закона і звязаных з ім актаў Лукашэнкі.
Другое — правядзенне па даручэнні Лукашэнкі або яго адміністрацыі дадатковай экспертызы ўсіх відаў прававых актаў.
Кіраваць дзейнасцю цэнтра будзе адміністрацыя Лукашэнкі, стварыць яго плануюць да 1 ліпеня 2024 года.
«Лукашэнку называлі «луноликий». Пракурор, што далучыўся да «Байпола», пра падзел калоній, цэнтральны апарат Генпракуратуры і жнівень-2020
Што вядома пра сям'ю новага адказнага за эканоміку ў адміністрацыі Лукашэнкі
У МДЛУ прымушаюць глядзець фільм пра «патрыятычных лекараў, якія не хочуць на Захад». У ход ідуць пагрозы
Цяпер чытаюць
Арыштаваны сенатар Карпіцкі, галоўны доктар Брэсцкай абласной бальніцы4
Каментары