«Гэта акцыя мае такую мэту: людзі мусяць радавацца жыццю», – так тлумачыць сэнс адзін з яе арганізатараў Андрэй Кім.
У бойцы снежкамі 17 студзеня ў Мінску, у парку імя Янкі Купалы, узялі ўдзел каля 40 чалавек, якія не збаяліся халоднага марознага надвор’я. Удзень слупок тэрмометра вагаўся ў межах 12—14 градусаў марозу.
«Гэта акцыя, як і астатнія, мае такую мэту: людзі мусяць радавацца жыццю, рабіць свет больш яркім, расслабляцца і сябраваць, – так тлумачыць сэнс акцыі адзін з яе арганізатараў Андрэй Кім. – Цяпер у нас, у студэнтаў, сэсія, таму хапае стрэсавых сітуацый. Вось мы і вырашылі сабраць людзей, каб павесяліцца і адпачыць».
Радавацца жыццю ў прысутных сапраўды атрымоўвалася. Хоць на пачатку і не хацелася лішнім разам варушыцца на марозе.
Аднак гульня ў снежкі і перацягванне канатаў хутка захапілі прысутных.
І прыйшлося выцягнуць сябе з зімовай спячкі, каб закідаць супернікаў снегам і быць як мага меней самаму заснежаным.
У параўнанні з бітвай падушкамі, якая прайшла 8 верасня ва ўгодкі бітвы пад Оршай і сабрала каля тысячы маладых людзей, бойка снежкамі на марозе атрымалася менш папулярнай і масавай. Аднак арганізатары і гэтай колькасці людзей вельмі рады, зазначае Андрэй Кім.
Тым часам арганізатары абяцаюць у 2010 годзе новыя забавы.
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку16
Каментары