Расійскага мабілізаванага, які адмовіўся ехаць на вайну, прыкавалі кайданкамі да кавалка рэйкі
У Расіі працягваюцца здзекі над людзьмі, якія адмаўляюцца ісці ваяваць.
Выданне ASTRA апублікавала шакавальнае відэа, якім падзяліліся сваякі мабілізаваных. Мужчын, якія не жадаюць ехаць на вайну супраць Украіны, схапілі і сілком утрымліваюць некалькі тыдняў у вайсковай частцы 16871 у Сібірцава Прыморскага краю.
На відэа мужчына сядзіць на ложку ў цесным памяшканні, яго рука, прыкаваная да рэйкі, ляжыць на табурэтцы.
«Вось так у нас, нах**, прымушаюць людзей з'язджаць на «СВА». Чалавек не хацеў ехаць, уцёк, яго злавілі. Цяпер утрымліваюць пад замком да борта. Потым перад бортам, напэўна, адшпіляць», — кажа ў роліку адзін з вайскоўцаў.
Як паведамлялася, у гэтай вайсковай частцы пад замком знаходзілася 92 прыморскіх мабілізаваных, яшчэ 27 чалавек адтуль сілком адправілі ва ўсурыйскую вайсковую частку 24776.
ASTRA раней апублікавала відэа, на якім відаць, як аднаго з іх, 48-гадовага Яўгена Лескава, які пакутуе на шэраг хвароб, 17 красавіка сілком заштурхалі ў аўтобус з Усурыйска да аэрапорта, перад гэтым закаваўшы ў кайданкі. Яўген паведаміў жонцы, што 19 красавіка яго і іншых мабілізаваных, хто адмаўляецца ехаць на вайну, нібыта адправяць у Растоў, а пасля гэтага ва Украіну.
Отказавшегося воевать приморского мобилизованного заковали в наручники и насильно посадили на борт в Украину
8 апреля у 48-летнего мобилизованного Евгения Лескова, страдающего целым рядом заболеваний, зафиксировали гипертонический криз, рассказала ASTRA его супруга Виктория⬇️ pic.twitter.com/ZiDkMOCTIg
Што тычыцца астатніх мабілізаваных, то па словах жонкі аднаго з мужчын, «цяпер іх плануюць зноў пасадзіць на борт да Украіны заўтра раніцай (22 красавіка — НН)».
Па словах жанчыны, яе муж змог пакінуць частку. На яго ўжо распачалі крымінальную справу, але ён сказаў: «Я туды з імі не паеду, лепш — крымінальная справа».
Цяпер чытаюць
Завадчанін Ігар, які вяртаўся дадому бухім, упершыню ў жыцці едзе за мяжу. А яшчэ ён халасты8
Каментары